Dr. Lalramzava, ex-Medical Superintendent Talks on Intention of the Institution

He video hi 2012 kum a Dr. Lalramzauva, kan Organization Vice Chairman leh khatih hun lai a Christian Hospital Serkawn Medical Superintendent ni bawkin kan organization hming JJ Aerosports a nih lai a kan thil tum fiah tak leh uluk tak a a sawina a ni.

Khatih lai khan School naupang (Class VI - XII)-te tan Aeromodelling zirnate, Learning Strategies (lehkha zir dan tha)-te, Spoken English-te leh thil dang dang, zirlaite hmakhaw thlir a an tan a thil tha leh tangkai, nakin thleng a an chhawr tur thil tam tak kan zirtir thin a.

A nuamin a hlawkthlak hle a, nu leh pa tam takten hmaichhanah leh telephone hmangtein an fate hmasawnnaah lawmthu min hrilh thin a. Amaherawh chu mi puitling rawn ni chho tan, nakin lawk a ei zawng mai tur leh chhungkaw din mai tur, Class XII pass tawh chinte hi rang taka tanpui an ngai zawk a ni tih ngaihdan a lo awm ta a.

Chuvang chuan tunah hian kan thalai rual lehkha thiam, hna hmu mai silo turte tanpui turin JJ Personality chuan a kalkawng a her danglam ta dawrh a. Kan thalaite hi khawvel khawi hmunah pawh hna thawk tur a ni emaw, lehkha zirzawm tur a ni emaw, ramdang thalaite el pha tur leh, eizawnna tha leh mumal tak an lo neih theihnan tiin, theihtawpin hma lak a ni ta a ni.

Hei mai bakah hian, JJ Personality hian a duh leh tum sang ber chu, Mizo thalai piangthar tha tak takte tan ram changkang zawkah eizawnna tha zawn hmuhsak a, tent-making missionaries ang a tirh chhuah a ni a. Tunah hian kan zirlaite zing a engemaw zat chuan hei hi an duhin, an lawina Kohhrante pawhin an missionary tirh angin ramdangah hnathawk pahin an kal dawn ani.

Mizote hi Pathianin mak danglam takin min zawngchhuak a, khawvel tiheng tur hian mawhphurhna lian tak kan nei a ni tih i theihnghilh lovang u.